Улаанбаатар хотод орж буй цасыг ТҮК-ийн ажилтнууд 05:30 цагт цэвэрлэж эхэлсэн

Улаанбаатар хотод орж байгаа цасыг цэвэрлэх ажил эхэлжээ.

Нийслэлийн хот тохижилтын газраас мэдээлснээр өнөөдөр өглөөний 05:30 цагаас эхлэн хариуцсан гудамж, зам, гүүрэн байгууламж, төв талбай зэрэгт тусгай зориулалтын зам цэвэрлэгээний техник болон бичил техниктэйгээр 31 ажилтан цас цэвэрлэгээнд гарчээ. Харин иргэн, ААН-үүд орчныхоо 50 метр газрын цасыг цэвэрлэхийг уриалав. 

Хотын есөн дүүргийн хэмжээнд ТҮК-ийн ажилтнууд нийтийн эзэмшлийн гудамж, авто замын цасыг цэвэрлэж, халтиргаа гулгаанаас сэргийлэх давс, бодисыг цацаж байгаа бөгөөд авто замын нөхцөл байдал хэвийн. Цас үргэлжлэн орох тул бэлэн байдлыг хангаж байгааг мэдээллээ. 

Цас орох урьдчилсан мэдээний дагуу давс цацагч машинуудыг цэнэглэж, багаж тоног төхөөрөмжүүдийг бэлтгэн халтиргаа үүсэж болзошгүй замд хайрцагтай давснууд байршуулжээ.