АН бүлэг: УИХ-ын гишүүд, сайд нар салбарынхаа дундаж цалингаар цалинждаг байя

УИХ дахь АН-ын бүлгийн хуралдаанаас гаргасан шийдвэрийг танилцууллаа. Энэхүү хурлаар эрүүл мэндийн салбарын үйлчилгээний хүртээмж,чанар,эрүүл мэндийн даатгалын сангийн санхүүжилт болон багш нарын цалин нэмэгдүүлэх шаардлага болон ажил хаялттай холбоотой асуудлаар хэлэлцлээ.

Хурлаас гарсан шийдвэрийг Ардчилсан намын бүлгийн дарга О.Цогтгэрэл танилцуулав.

Тэрээр" Эрүүл мэндийн салбарт ажиллаж буй ажилтнуудын улсын дундаж цалин 2.5 төгрөг. Монгол Улсын дундаж цалингаас эрүүл мэнд, боловсрлын салбарын цалин бага байна.

Монгол улсад ажил хийж буй иргэдийн дундаж цалин 2.7 сая төгрөг. УИХ-ын гишүүд ард иргэдийн төлөөлөл юм бол ажил хийж буй иргэдийн буюу улсын дундаж цалинг авдаг бол ямар вэ.Салбарын сайд нь салбарын ажилчдынхаа дундаж цалингаар цалинждаг байвал ядаж яаж нэмэгдүүлэхийг мэддэг байх юм байна.

Багш нарын цалинг одоо гал унтрааж хэлцэл хийгээд нэмлээ гэхэд араас нь эрүүл мэнд,эрчим хүчний салбар гарч ирнэ.Үндэс сууриар нь системтэйгээр шийдэхгүй бол асуудал дуусахгүй" гэжээ.