Эрдэнэс Тавантолгой ХК-ийн 1072 хувьцааг ашиглан хуурамч мэдээлэл түгээж залилах тохиолдол ихэсжээ

Эрдэнэс Тавантолгой ХК-ийн 1072 хувьцааг ашиглан хуурамч мэдээлэл түгээж, залилангийн хохирогч болгохыг санаархсан тохиолдол элбэг байдаг ажээ.

“1072 хувьцааны ногдол ашиг тарааж байна”, “1072 хувьцаагаа зарах, өвлүүлэх боломжтой боллоо” гэх мэт пост оруулагч этгээд ихэвчлэн чатаар холбогдох шаардлага тавьж, холбоосоор дамжуулан хэрэглэгчийн хувийн мэдээллийг (РД, дансны дугаар, нууц үг гэх мэт) авдаг. Ингэж хуурч олж авсан мэдээллээ ашиглан таны данс руу нэвтэрч, эсвэл хаягаар тань бусдаас мөнгө залилдаг тул хувийн мэдээллээ өгч болохгүй.

2012 онд гаргасан Засгийн газрын 181 дүгээр тогтоолд 1072 хувьцааны талаар "... аливаа хэлбэрээр захиран зарцуулахгүй байх нөхцөлтэйгээр иргэдэд эзэмшүүлэх...” гэж заасан.

Залилагчдад хувийн мэдээллээ өөрөө өгч, дансаа ашиглуулахаас сэрэмжлээрэй!

Эх сурвалж: Монголын баримт шалгах төв