Хөвсгөл аймаг, Ханх сум Баясгалант багийн “Боштого” гэдэг газар аймгийн төвөөс хойд зүгт 310 км, сумын төвөөс зүүн хойд зүгт 18 км 10.31-ний өдрийн 00:54:01 цагт 4.2 магнитуд хүчтэй газар хөдлөлт болсон тухай мэдээллийг мөн өдрийн 01:00 цагт ООГХ-ээс цахим шуудангаар ирүүлсэн. Тус аймгийн Онцгой байдлын газраар дамжуулан Ханх сумын Засаг дарга нараас тодруулахад газар хөдлөлтийн чичирхийлэл бага зэрэг мэдрэгдсэн бөгөөд учирсан хохиролгүй тухай мэдээлсэн. 

Мөн энэ сарын 22-нд Хөвсгөл аймгийн Цэцэрлэг сумын нутагт 5 магнитуудын хүчтэй газар хөдөлөлт болсон. Тухайн газар хөдлөлтөд Завхан аймгийн Баянхайрхан, Нөмрөг, Сонгино, Тосонцнгэл, Цэцэн-Уул сумдуудад чичирхийлэл бага зэрэг мэдрэгдсэн бөгөөд хохирол учраагүй байна.