Эмч нар ажлын өдрүүдээр 11:00–14:30 цагийн хооронд Төв талбай дээр жагсаж байна

Эмч нарын жагсаал өнөөдөр /2025.10.26/ 17 дахь өдрөө үргэлжилж байна. Тэд эмч, эмнэлгийн салбарын ажилчдын цалинг 3.5 сая төгрөгт хүргэхийг шаардаж байгаа. Мөн төсвөөс эрүүл мэндийн салбарт зарцуулах хувь хэмжээг нэмэгдүүлэх, ажлын нормын хувцас зэрэг хангамж хэрэгслээр бүрэн хангахыг хүсэж байна. Сүүлийн таван жил нэг ч нормын хувцас аваагүй эмч ч байдаг гэж байсан юм. Хэрэв шаардлагыг биелүүлэхгүй бол ажил хаялт зарлахад бэлэн гэж мэдэгдсэн. Одоогийн байдлаар эмч, эмнэлгийн ажилчид ажлын өдрүүдээр 11:00–14:30 цагийн хооронд Төв талбай дээр жагсаж байна.