БНХАУ “Чаньэ-7” хэмээх робот хөлгийг ашиглан саран дээрээс ус илрүүлнэ

“Чаньэ-7” хөлгийн зорилго нь сарны өмнөд туйл орчим дахь орчныг судлах, хөлдсөн ус байгаа эсэхийг тогтоох юм. Энэ нь цаашдын нисгэгчтэй сансрын аялал чухал ач холбогдолтой нээлт болно. Тодруулбал усыг ундны ус, хүчилтөрөгч цаашлаад пуужингийн түлш болгон хувиргах боломжтой гэж мэргэжилтнүүд үзэж байна. БНХАУ ирэх оны наймдугаар сард хөөргөхөөр төлөвлөж буй “Чаньэ-7” хэмээх робот хөлгийн тусламжтайгаар саран дээрээс ус илрүүлэх туршилт нь амжтлттай болбол энэ нь хүн төрөлхтний түүхэнд анхны нээлт болох юм. Уг хөлгийн бүтээн байгуулалт төлөвлөгөөний дагуу урагшилж байгаа бөгөөд Хятадын үндэсний сансрын агентлагт ОХУ, Египет, Бахрейн, Тайланд, Итали, Швейцарь болон Хавайд төвтэй Олон улсын сарны ажиглалтын холбоо зэрэг зургаан улс, нэг төрийн бус байгууллага шинжилгээний багажуудаа хүлээлгэн өгчээ. Энэ хөтөлбөрийн ахлагч "Хэрэв бид саран дээр ус байгаа гэдгийг нотолж чадвал хүн төрөлхтний түүхэнд оруулах хамгийн том хувь нэмэр байх болно” гэжээ. “Чаньэ-7” хөлөг нь тойрог замын дагуул, газардуулагч, саран дээр явах робот, үсрэлт хийж судалгаа явуулах төхөөрөмж болон холбооны дагуул гэсэн таван хэсгээс бүрдэх аж.