Ерөнхий сайдыг огцруулсан асуудлаар Үндсэн хуулийн цэцийн их суудлын хуралдаан болж байна

Ерөнхий сайдыг огцруулсан нь Үндсэн хуульд нийцсэн эсэх маргааныг шийдвэрлэх Үндсэн хуулийн цэцийн их суудлын хуралдаан өнөөдөр/2025.10.22/ өглөөний  09.30 цагт эхэлсэн. 

Монгол Улсын Ерөнхий сайд Үндсэн хуулийн цэцэд хандаж Монгол Улсын Их Хурлын дэд дарга, гишүүн Х.Булгантуяагийн үйл ажиллагаа, Ерөнхий сайдыг огцруулах асуудлыг хэлэлцсэн Монгол Улсын Их Хурлын чуулганы 2025 оны 10 дугаар сарын 17-ны өдрийн нэгдсэн хуралдаан болон уг хуралдаанаас гарсан Ерөнхий сайдыг огцруулах тухай Улсын Их Хурлын тогтоол нь Монгол Улсын Үндсэн хуулийн Нэгдүгээр зүйлийн 2, 43-р зүйлийн 1, 70-р зүйлийн 1 дэх хэсгийг зөрчсөн эсэхийг тогтоолгохоор хүсэлт шаардлага ирүүлсний дагуу маргаан хянан шийдвэрлэх ажиллагааг шууд үүсгэсэн юм.