Ерөнхийлөгч Д.Трампын бодлогыг эсэргүүцсэн тайван жагсаал АНУ даяар боллоо

“Хаан байхгүй” нэрийн дор олон мужид нэгэн зэрэг болж буй уг жагсаалын шалтгаан нь Ерөнхийлөгчийн явуулж буй түрэмгий, эрх мэдлээ хэтрүүлсэн бодлого бөгөөд Нью Йорк, Вашингтон ДС, Чикаго, Майами, Лос Анжелес зэрэг том хотуудад болсон жагсаалд хэдэн арван мянган хүн оролцож байна.

Жагсаалд оролцсон хүмүүс Трампыг авторитар хандлагатай алхмууд хийсэн гэж үзжээ.Жагсаалыг “Indivisible” нэртэй, прогрессив үзэлтэй байгууллага ахлан явуулжээ. Тус байгууллагыг хамтран үүсгэн байгуулсан Лиа Гринберг “Бидэнд хаан байхгүй гэж хэлээд тайвнаар жагсахаар өөр илүү Америк зүйл гэж үгүй” гэсэн юм. Трамп тэрхүү жагсаалын талаар ямар нэгэн мэдэгдэл гаргаагүй. Гэхдээ тэр баасан гарагт /2025.10.17/ “Fox Business” телевизэд ярилцлага өгөхдөө “Тэд намайг хаан гэж хэлж байна. Би хаан биш” гэж хэлжээ. АНУ-ын Төлөөлөгчдийн танхимын спикер, Бүгд найрамдах намын гишүүн Майк Жонсон “Бидэнд хаан байхгүй” жагсаал нь АНУ-ыг үзэн ядах жагсаал гэж шүүмжилсэн байна