Б.Жавхлан: Цалин нэмэхийн тулд бүх яамдын үйл ажиллагааны зардлын 10 хувийг хассан

Засгийн газрын өнөөдрийн ээлжит хуралдаанаас гарсан зарим шийдвэрийг танилцууллаа. 

Сангийн сайд Б.Жавхлан: 

Багш, эмч нар, тэтгэврийн нэмэгдүүлэхээр 831 тэрбум төгрөгийг төсөвт багтаана. Нийт төсөв 32 их наяд төгрөг. Үүнээс 8 их наяд нь хөрөнгө оруулалт, 8 их наяд нь ЭМД, Нийгмийн даатгалын сан, 17 их наяд нь урсгал зардалд зарцуулагдана. Цалин тэтгэвэр нэмэх нөөц боломж гэж төсөвт байхгүй. Бид орлого, зарлагаа бууруулж оруулж ирсэн төсөв. Төсвийг хэлэлцээд батлахад бэлэн болсон байхад дахин өөрчлөх боломжгүй, бидэнд хугацаа ч байхгүй.  Цалин нэмэхийн тулд 831 тэрбум төгрөгийг төсөвт "чихэж" оруулах нөөц боломж байхгүй. Бүх яамдын үйл ажиллагааны зардлыг 10 хувь хасах байдлаар цалингийн нэмэгдлийг хийж байна. Энэ бол нөөц боломж биш.