2019 оны хэвлэлийг устгаж яг ижилхнийг шинээр хэвлэсэн ч сурах бичгийн хүрэлцээ муу байна

2019 болон 2024 оны хэвлэлийн сурах бичгүүд доторх агуулга, сэдэв нь яг адилхан байгаа ч 2019 оны хэвлэлийн бүх сурах бичгийг устгалд оруулж байна. Гэсэн ч өнөөдрийн байдлаар зарим Ерөнхий Боловсролын Сургуулиудын дунд болон ахлах ангийн сурагчид сурах бичгийн хүрэлцээгүйгээс болж сугалаагаар номоо авч байна. 

Энэ талаар Нийслэлийн Ерөнхий Боловсролын 16-р Сургуулиас тодруулахад номын захиалгаа өгсөн боловч одоогоор ирээгүй байгаа, мөн өмнөх хэвлэлийн номуудыг актлахаар бэлдсэн гэх мэдээллийг өгсөн.  2024 оны шинэ хэвлэлийг хариуцан ажиллаж байгаа "Aplus" компаниас тодруулахад Журмын дагуу дөрвөн жил ашиглаад актлах номыг бид зургаан жил ашигласан. тиймээс одоо байгаа номууд ашиглах боломжгүй болсон. Одоогоор 70.000 гаруй сурах бичиг хэвлэгдэн бэлэн байгаа ч Номын санч нар мэдээлэл муу байгаагаас үүдэн захиалга хийгдэхгүй байна. Сурах бичгийн түрээсийн үнэ 30,000₮-48,000₮ төгрөгийн үнэтэй байна. Захиалга өгсөн бүх сурагчдад түрээсийн сурах бичиг олгох боломжтой. Худалдаалах сурах бичгийн үнэ 94,000₮-129,000₮ төгрөгийн үнэтэй байна.Төлбөрийг 10-р сарын 15 хүртэл дараа төлөх, 4 хуваан төлөх, нийгмийн халамжын тухай хуулийн тодорхой бүлэгт хамаарагдаж байгаа сурагчид төлбөргүй ашиглах боломжтой.