Эрүүл Мэндийн Сайд Ж.Чинбүрэн аймгийн Эрүүл Мэндийн Газрын удирдлагуудтай уулзлаа

Эрүүл мэндийн сайд Ж.Чинбүрэн аймгийн Эрүүл мэндийн газрын удирдлагуудыг хүлээн авч уулзлаа. (2025.10.07) Уулзалтаар эрүүл мэндийн салбарын бодлогын шинэчлэл болон “Хаалганаас хаалганд” зарчмаар хийгдсэн нөхөн дархлаажуулалтын явц, эмийн үнийн ил тод байдлыг хангасан цахим систем, даатгалын шимтгэлийн талаар танилцуулж, Аймгийн эрүүл мэндийн газрын удирдлагуудтай санал солилцсон. Эрүүл мэндийн яамны газар, хэлтсийн дарга нар эмнэлгийн болон нийгмийн эрүүл мэндийн тусламж үйлчилгээ, салбарын хүний нөөц, цахим шилжилтийн чиглэлээр баримталж байгаа бодлогын шинэчлэл, төлөвлөж буй арга хэмжээний талаар танилцууллаа. Мөн ЭМЯ-ны дэргэдэх эмнэлгийн мэргэжилтний ёс зүйн хяналтын хорооноос аймгийн Эрүүл Мэндийн Газрын удирдлагуудад “Удирдах ажилтны ёс зүй” сургалтыг зохион байгууллаа.