Гэмтсэн дулааны шугамуудыг нэмэлт баг гаргаж засварлахаар болжээ

Нийслэлийн зарим дүүрэгт дулааны шугам гэмтсэнээс айл өрхүүд дулаангүй болоод байгаа. Энэ талаар УБОАА-ны дарга Г.Батзориг "Хувийн орон сууцны конторуудыг иргэд, хувийн ААН-үүд дураараа дулааны шугам тавьдаг. Гэвч шугам нь цоороод гэмтэл гарахаар хариуцах эзэнгүй болдог. Эцэст нь нийслэлийн орон сууцны контор болон УСУГ, УБДТ компанийнхэн очиж засварладаг. Орон сууцны хувийн 54 конторыг Эрчим хүчний зохицуулах хорооноос шилжүүлж өгөх эсэх нь тодорхой бус байна. Эдгээр хувийн конторыг нийслэлийг хариуцуулбал нэгтгээд нэг болгох асуудлаа шийднэ. Орон сууцны хувийн 54 контор, нийслэлийн нэг контор бий. Хувийн конторуудын өр төлбөрийн үлдэгдэлтэйгээс дулаанд холбогдохгүй байгаад иргэд УБОАА-нд гомдол гаргаж байгаа юм. Мөн шугам гэмтсэнээс халуун усгүй олон айл байна. ОСНААУГ-аас нэмэлт бригад гарган гэмтсэн шугамыг засварлаж, халуун ус, дулааныг холбож үүргийг өгч байна. Нийслэлийн хэмжээнд дулаан, цэвэр бохир усны шугамын 50 орчим хувь нь ашиглалтын хугацаа нь дууссан, наслалт өндөр болж байна. Өнгөрсөн жилд 12 магистрал шугамд, 110 орчим байршлын салаалсан шугамд гэмтэл гарсан. Жил бүрийн төсөвт мөнгө тусгаж ус, дулааны шугамыг солих ажлуудыг яаралтай хийнэ" гэж мэдээллээ.