Д.Мөнхбаатар: Зуух янданд жижиг хэмжээний гэмтэл үүсэхэд л дотор орчинд түлшний угаарын хий тархана

Галлагааны аюулгүй байдал, нөхцөл байдал, угаарын хийн асуудлаар Нийслэлийн онцгой байдлын газар болон Нийслэлийн агаар орчны бохирдолтой тэмцэх газраас өнөөдөр мэдээлэл хийлээ.

Иргэдийн хамгийн хайхрамжгүй хандаж байгаа зүйл нь гадна талаас нь хараад цог харагдахгүй болохоор түлш унтарчихлаа гэж бодоод байдаг. Гэтэл дотроо цогшиж байгаа учир угаарын хий нь ялгарсаар байдаг. Зуух, янданд жижиг хэмжээний гэмтэл үүссэн байхад л дотор орчинд түлшний угаарын хий тархана.

Бүх зүйлийг шатаахад угаарын хий тодорхой хэмжээгээр үүсдэг. Түүхий нүүрсний угаарын хий 9,800 орчим байдаг бол шахмал түлшнийх 7,800–10,800-ийн хооронд хэлбэлзэж байдаг. Түүхий нүүрс, шахмал түлшний ялгаа нь энэ юм.Шахмал түлшний техникийн үзүүлэлтийг сар тутамд Геологийн төв лаборатори дээр шалгадаг. Угаарын хий нь стандартаас давсан байвал зөрчлийг арилгуулж байж борлуулалтад гаргадаг” гэв.