Угаарын хийн хордлогын улмаас энэ сард хоёр өрхийн 3 иргэн нас баржээ

Нийгмийн эрүүл мэндийн үндэсний төвөөс угаарын хийн хордлогын өдөр тутмын тоон мэдээг гаргаж байна. Тус төвийн мэдээлснээр есдүгээр сар гарснаас хойш угаарын хийн хордлогын улмаас хоёр өрхийн гурван иргэн нас баржээ. 

энэ сарын 23-ний өдөр НЭМҮТ-д угаарын хийн хордлогын улмаас эмнэлгийн тусламж үйлчилгээ авсан 81, нас барсан 3 тохиолдол бүртгэгджээ. Эдгээрийг байршлаар нь авч үзвэл СХД, ЧД, БЗД, СБД, ХУД-ийн нийт 31 өрхийн 81 иргэн угаарын хийн хордлогод өртөж эмнэлгийн тусламж үйлчилгээ авсан байна. Үүнээс галын шалтгаант 28 угаарын хийн шалтгаант 1 нас баралт бүртгэгдэж, нийт 2 өрхийн 3 иргэн нас баржээ.

Угаарын хийн хордлогоос сэргийлэх 5 зөвлөмж

• Яндан, зуухны битүүмжлэлийг тогтмол шалгах
• Угаарын хий мэдрэгчийг зөв ашиглах, тогтмол ажиллуулах
• Гэртээ тамхи татахгүй байх
• Гэр, байшингаа сайтар дулаалах
• Агаар сэлгэлтийг тогтмол хийх