​​​Архангай аймагт 25 настай эрэгтэй боомоор өвчилжээ

Архангай аймагт боом өвчний хүний өвчлөлийн сэжигтэй тохиолдол бүртгэгдсэн байна. Бид ЗӨСҮТ-ийн албаны дарга Х.Ариунболдоос тодруулахад дараах тайлбарыг өглөө.

Энэ сарын 16 ны өдөр Архангай аймгийн Ихтамир сумын Хөхнуур багт оршин суух 25 настай малчин эрэгтэй эмнэлэгт хандсан. Маргааш нь буюу 17 -ны өдөр боомоор өвчилсөн болох нь тогтоогдож аймгийн халдварт өвчин судлалын төвд хэвтэн эмчлүүлж байна. Халдвараар өвчилсөн иргэний тухайд мал нядалгааны газар мал төхөөрөх ажил хийж байсан юм билээ. Халдвар хамгааллын дэглэмийг хэсэгчлэн тогтоож ажиллахад ар гэрийн хүмүүсээс нь эмнэл зүйн шинж тэмдэг илрээгүй тул тусгаарлаагүй гэж мэдэгдлээ.