С.Гантөмөр: Г.Занданшатарын засгийн газар маш муу ажилласан

УИХ-ын гишүүн С.Гантөмөр шинээр бүрэлдээд удаагүй байгаа Г.Занданшатарын засгийн газрыг маш муу ажилласан гэж дүгнэлээ. Тэрээр,  "парламентын 90 хувийн саналаар батлуулсан хөгжлийн төлөвлөгөөтэй, 4 жилийн үйл ажиллагааны хөтөлбөр нь тодорхой байгаа нь шинэ Засгийн газар их азтай байгаа юм. Баялгийн санг хэрхэн хийх, төсвийг хэрхэн удирдаж, үйлдвэржилтийг хэрхэн бий болгох, мега төслүүдийг хэрхэн хөгжүүлэх зэрэг нь бүгд тодорхой. Үндсэндээ хэрэгжүүлэх үе шат л үлдэж байгаа юм. 

Их хурлын баталсан бэлэн төлөвлөгөөг хэрэгжүүлж, биелүүлэх нь Засгийн газрын үүрэг юм. Засгийн газраас илүү зүйл ард түмэн хүсээгүй. Иргэдийн хүсэж байгаа зүйл нь тулгамдсан асуудлуудаа шийдээд, түгжрэл, утааг багасгаж, эдийн засгийн өсөлтөд анхаарч, үйлдвэржилтийг бий болгож, эрчим хүчээр хангаж өгөхийг хүсэж байна.

Шинэ PR, шинэ бодлого боловсруулах гэж оролдвол шинэ засгийн газар будилна. Парламентын дэмжлэг авч чадахгүй. Би эрх баригч намын дотоод ажилд оролцохгүй. Намын даргаа нээлттэй, ил тод сонгоно гэдэгт эргэлзэхгүй байна. Энэ сонгууль Монгол төрийн бодлогыг өөр тийш савлуулна. Ядуурал руу чирсэн бодлого байж болохгүй. Жишээлбэл хурдны зам, тойрог зам, хил холболтын асуудал болон бусад эрчим хүчний мега төслүүдийг зогсоож болохгүй" гэсэн юм.