Хөнгөн атлетикийн ДАШТ-ий хуваарьт өөрчлөлт оржээ

Японы нийслэл Токио хотод хэт халж байгаатай холбогдуулан хөнгөн атлетикийн дэлхийн аварга шалгаруулах тэмцээний /ДАШТ/ энэ амралтын өдрүүдэд болох спорт алхаа, марафон гүйлтийн гарааг 30 минутаар урагшлуулахаар шийдвэрлэжээ.  Дэлхийн олон орны нэгэн адил Япон улс энэ жил цаг агаарын эрс тэс үзэгдэлд нэрвэгдэж байгаа бөгөөд энэ сар гарсаар Токиод дунджаар +33 хэмд хүрч халж байгаагаас үзэхэд есдүгээр сард түүхэнд байгаагүй үзүүлэлт бүртгэгдэх төлөвтэй байна. Өнгөрсөн сард Японы нийслэлд 3300 гаруй хүн наранд цохиулсны улмаас эмнэлэгт хүргэгдсэн гэж нийслэлийн гал түймэртэй тэмцэх албанаас мэдээлсэн юм.