БНСУ-ын иргэн Хоргын тогоонд унаж нас баржээ

Цагдаагийн байгууллагад энэ оны 08 дугаар сарын 28-ны өдөр Архангай аймгийн Тариат сумын нутагт байх Хоргын тогоо гэх газарт БНСУ-н иргэн унаж нас барсан гэх дуудлага мэдээлэл бүртгэгджээ. 

Амь хохирогч нь манай улсад аялал жуулчлалын шугамаар энэ оны 08 дугаар сарын 20-ны өдөр ирсэн БНСУ-ын аялагч 20 настай эмэгтэй байжээ. Тэрээр уулын орой дээр зураг дарж байх үед нь хүчтэй салхи салхилсны улмаас осолдож нас барсан байж болзошгүй хэмээн Монгол улсын ГХЯ-аас БНСУ-ын хэвлэлд мэдээлэл хүргүүлжээ. Талийгаач А нь 90000 дагагчтай, аялал жуулчлалын сэдвээр контент бүтээдэг  нэгэн байжээ.