Ч.Найдандорж: “Ардын жүжигчин” болоод их баярлалаа. Би ер нь шагналд дуртай хүн бололтой шүү

Нэрт найруулагч Ч.Найдандорж “Ардын жүжигчин”цол хүртлээ. Тэрээр баярын сэтгэгдлээ ийнхүү хуваалцсан юм. 

Үндэсний их баяр наадмаар энэ гавьяа шагналыг авч байгаадаа их баяртай байна. Би ер нь шагналд их дуртай хүн юм шиг байна шүү. Их баярлаж сэтгэл өндөр байна. Шавь нарын минь буян. Монголын уран бүтээлчдийн тайзны зүтгэлтнүүдийн буян. Надтай хамтран ажилласан театрын арын албанд ажилладаг бүх багийн хамт олон хошин урлагийн Эмоц болон Х Түц хамтлагийн үе үеийн уран бүтээлчдийнхээ хүчээр би олон сайхан уран бүтээл хийн ард түмэндээ хүргэж ирсэн. Үргэлж халуун алга ташилтаар надад урам хайрлаж ирсэн үзэгч түмэндээ маш их баярлалаа. Багш нартаа их баярлалаа. Би монголын сор болсон багш нартаа баярлалаа.