Ерөө голд нэг иргэн живж, амиа алджээ

Сэлэнгэ аймгийн Тавин багийн "Гангын тохой" гэдэг газар Ерөө голын усанд нэг хүн живсэн тухай дуудлагыг долоодугаар сарын 3-ны өдөр 13.00 цагт Онцгой байдлын алба хүлээн авчээ.  

Тус аймгийн Онцгой байдлын газрын Эрэн хайх аврах ангийн алба хаагчид очиж иргэн Б/41 настай, эрэгтэй/-г Ерөө голын усанд эрэн хайх ажиллагааг зохион байгуулж, тус багийн “Гангын тохой” гэдэг газар /анх осолдсон газраас баруун хойд зүгт 500 метр/-аас 17:03 цагт цогцсыг олжээ. Алба хаагчид усанд амиа алдсан иргэний цогцсыг олж Цагдаагийн байгууллагад шилжүүлэн өглөө. 

Үерийн эрсдэлийн ерөнхий үнэлгээгээр 21 аймгаас их эрсдэлтэй буюу улбар шар түвшинд Орхон, Говьсүмбэр, Сүхбаатар аймаг бүртгэгдсэн. Мөн Баян-Өлгий, Увс, Ховд, Завхан, Говь-Алтай, Баянхонгор, Хөвсгөл, Булган, Төв, Өвөрхангай, Өмнөговь, Дундговь, Дархан, Сэлэнгэ, Дорноговь, Хэнтий аймгууд дунд эрсдэлтэй ангилалд бүртгэгдсэн байна. Иймээс иргэдийг амарч зугаалахдаа болгоомжтой байхыг анхааруулж байна.