Сэрэмжлүүлэг: Улаанбурхан өвчнөөр нэг хүн эндэж, нас баралт зургаа боллоо

Улаанбурхан өвчний батлагдсан тохиолдлын тоо 7717 болжээ. Эдгээрээс 5807 нь эдгэрсэн байна. Нийт батлагдсан тохиолдлын 1212 нь гэрээр, 693 нь эмнэлэгт хэвтэн эмчлүүлж байгаа аж. ХӨСҮТ-өөс өгч буй мэдээллээр зургаан хүн нас барж, таван хүн нэн хүнд эмчлүүлж байгаа юм байна.

Улаанбурхан өвчлөлийн нийт тохиолдлын 71,2 хувь нь вакциндаа хамрагдаагүй, 5 хувь нь вакцины нас болоогүй буюу 9-өөс доош сартай хүүхдүүд байна. Нас барсан 5 тохиолдлын 4 нь вакцины нас болоогүй 9 сараас доош настай хүүхэд байна.

Вакцин хийлгэх нас болоогүй хүүхдүүдээ улаанбурхан өвчнөөс сэргийлэхийн тулд 6-8 сартай хүүхдүүдэд тус өвчний эсрэг вакциныг хийх шийдвэр гаргаад хэрэгжүүлж эхэллээ. Иймд харъяа өрх, сумын эрүүл мэндийн төвүүдийн дархлаажуулалтын нэгжүүдээр вакцинаа хийлгэх боломжтой.

Улаанбурхан өвчин нь халдварлалт өндөртэй ч вакцинаар сэргийлэгдэх боломжтой халдварт өвчин юм. Улаанбурхан өвчний батлагдсан тохиолдлын хавьтлаас улаанбурхнаар өвдөөгүй бол 72 цагийн дотор улаанбурханы эсрэг вакцинд хамрагдан өөрийгөө болон бусдыг улаанбурхан өвчнөөс хамгаалаарай.