Н.Номтойбаяр: Дараагийн Ерөний сайдын итгэл үнэмшил, мэдлэг туршлага, чадвар маш чухал

Ерөнхий сайд Л.Оюун-Эрдэнийн хувь заяаг шийдэх долоо хоног эхэллээ. 

Төрийн байгуулалтын байнгын хорооны хуралдаанаар өнөөдөр Монгол Улсын Ерөнхий сайдад итгэл хүлээлгэх эсэх асуудал  хэлэлцэнэ. Үүний дараа УИХ-ын чуулганы нэгдсэн хуралдаанаар энэ асуудлыг эцэслэх юм. УИХ-ын гишүүн Н.Номтойбаяр цаг үеийн асуудлаар өөрий байр сууриа илэрхийллээ. 

Тэрбээр "Үнэн худал нь мэдэгдэхгүй олон яриа Төрийн ордонд өрнөж байна. Надтай хамт ажилладаг хүмүүсийг өнгөрсөн долоо хоногт учир битүүлгээр байцааж байна. Намайг айлгах гээд байгаа юм уу. Гэх мэтчилэн 11 гишүүдийг мөрдөж мөшгөж, хамаатай байж болох хүмүүсээс нь яриа авсан байна.  УИХ-ын гишүүд маш их айдаст автаж, эргэлзээнд орсон байна. Тиймээс энэ нь улс төрийн шийдвэрт сөргөөр нөлөөлнө. Төрийн байгуулалтын байгуулалтын хорооны хуралд Ерөнхий сайдаас асууна, "Яагаад улс төрийн нөхцөл байдлаас шалтгаалан сонгодог парламентыг төгөлдөржүүлнэ гээд байгаа юм бэ" гэж асууна. 

Ерөнхий сайд Л.Оюун-Эрдэнэ ажлаа өгнө гэдгээ мэдэгдсэн. Дараагийн Ерөний сайдын итгэл үнэмшил, мэдлэг туршлага, чадвар маш чухал. Авлигатай тэмцье гэж байгаа бол Ардын намтай тэмцэх учиртай гэж би дахин хэлье. Хэрэв татвар бууруулахгүй, нийгэм эдийн засагт хувьсал хийх чадваргүй хүн томилогдвол АН-тай хамтраад сөрөг хүчинд ажиллана. Дэгийн хуулийн дагуу саналыг ил авна. Хувийн бодлоо хэлэхэд үүнийг нуух ямар шалтгаан байгаа юм бэ. Ард түмнээсээ нуух ёсгүй. Харин нууцаар санал авна гэвэл би хувьдаа дэмжихгүй" гэв.