ОБЕГ: Хоёр эмэгтэй автомашины эд ангид хавчуулагдсан байсныг эсэн мэнд гаргасан

ОБЕГ-аас ослын нөхцөл байдлын өнгөрсөн шөнийн мэдээг танилцууллаа.

-Улаанбаатар хот, Хан-Уул дүүрэг 3 дугаар хороо суудлын 2 автомашин мөргөлдөж автомашины төмөр хийцэд хүн хавчуулагдсан тухай дуудлагыг 05.25-ны өдрийн 17:56 цагт хүлээн авсан. Нийслэлийн Аврах ангийн алба хаагчдыг очиход иргэн Б-ийн “Toyota Prius Alpha” загварын суудлын автомашин, иргэн Л-ийн “Toyota Corolla Fielder” загварын суудлын автомашинтай мөргөлдөж, жолооч иргэн Б /21 настай, эмэгтэй/, мөн иргэн А /40 настай, эмэгтэй/ нар автомашины төмөр хийцэд хавчуулагдсан байсныг ажиллан эсэн мэнд гаргаж, Нийслэлийн түргэн тусламжийн төвийн Их эмч, Тээврийн Цагдаагийн албаны Ахлах мөрдөгч нарт хүлээлгэн өгсөн.

-Завхан аймаг, Сонгино сум Баян-Айраг багийн “Ойдонгийн гол” гэдэг газар /аймгийн төвөөс баруун  хойд зүгт 277 км, сумын төвөөс хойд зүгт 35 км/ Суудлын автомашин шаварт суусан тухай дуудлагыг 05.25-ны өдрийн 15:50 цагт хүлээн авсан. Тус аймгийн Онцгой байдлын газрын Сонгино сум дахь Эрэн хайх, аврах бүлгийн алба хаагчдыг очиход Тэс сумаас Улиастай сумын чиглэлд зорчиж явсан иргэн Ц-ын “Toyota Hilux” загварын суудлын 2 зорчигчтой автомашин шаварт суусан байсныг  ажиллаж татан гаргасан.