Н.Ганибал: АН-ын сайд нар эр зоригтой байж сайн ажилласан

УИХ-ын гишүүн Н.Ганибалын байр суурийг хүргэж байна.

Манайх орон нутагт улс орон даяар дүрмийн хэлэлцүүлэг, хөтөлбөрийн хэлэлцүүлгээ хэлэлцүүлээд явж байгаа. Анхан шатны намын гишүүдээсээ саналыг нь авч байгаа. Бид дүрмээ шинэчилье, улс төрийн намын тухай хуулийн дагуу дүрмээ маш тодорхой шинэчилье гээд төлөвлөсөн. Наадмаас өмнө бид нар дүрмийнхээ төслийг улсын дээд шүүхэд өргөн барихаар ажиллаж байгаа. Манай дүрэм шинэчлэгдэн батлагдсанаар зохион байгуулалтаа явуулна гэсэн төлөвлөгөөтэй ажиллаж байна. Ер нь сая манай нам Шинэ намыг нэгтгэж авах хурал хийсэн. Энийг дээд шүүх бүртгэж аваагүй байна.

Л.Гантөмөр гэдэг хүнд цаашид намын даргын ажлыг хийх итгэл өгөх үү? 

Энэ асуудлыг намын ҮБХ-ны хурлаар шийдсэн асуудал. Одоо шинэ дүрмээ бий болгоод бүх шатандаа сонгууль явуулна. Монгол Улсын маш олон жил гацсан асуудлуудыг манай намын сайд нар улаан гараараа барин УИХ-д оруулж ирж ажилласан. Ардчилсан намын сайд нар сайн ажилласан. Сайн ажиллахдаа эр зоригтой байсан. Энийг Монголын ард түмэн бүгд харсан.