Л.Гантөмөр: Ардчилсан нам засагт байлгаад өгөөч гэж хэзээ ч гуйхгүй

МАН өнөөдрийн хурлаараа Монгол Улсын эрх ашгийг бодож байна уу? үгүй юу гэдгийг дүгнэлтээрээ гаргах байх. Миний сонсож байгаагаар АН бэхжих юм байна. Гишүүд нь үгээ хэлээд байна гэсэн зүйлийг ярьж байгаа юм билээ. АН өөрөө олон ургалч үзэлтэй нам. Өөрийнх нь засаг байсан ч манай намын гишүүд шүүмжилдэг. Ерөнхий сайдыг шүүмжилдэг өөрийнхөө өнгө төрхөөр л байгаа манай нам. МАН-ын нөхдүүд маань ойлгох хэрэгтэй. Хамтарлаа гэдэг нь намынхаа гишүүдийг амыг барь гэсэн үг биш. Ийм хэлэлцээрийг бид хийгээгүй. Бид улсын эрх ашгийг бодож ажиллаж байгаа. Манай нь улс төрийн зөвлөл дээрээ энэ асуудлыг өргөтгөөд ярина.

 Хамтарсан засгийн газар байгуулахад намын дарга нар гэрээ байгуулсан. Тэр гэрээн дээр ямар нэг заалт бий юу?

 Бид итгэл үнэмшлээрээ хамтарсан. Улсын эрх ашиг нэгдүгээрт байна гэсэн үг. Хэрэв улсын эрх ашгаас уравсан тохиолдолд бид задрах ёстой. Хамтарсан засаг тарах хэрэгтэй. Өнөөдөр улсын эрх ашгаа орхиод намын эрх ашиг, намын нэр хүнд, тодорхой хүмүүсийн эрх ашгийн төлөө шийдвэр гаргаж байгаа бол цаашаа ингээд л явна. Түүнээс биш Ардчилсан нам засагт байлгаад өгөөч гэж хэзээ ч гуйхгүй. Ардчилсан нам улсынхаа эрх ашгаас хэзээ ч ухрахгүй.