О.Алтангэрэл: Ерөнхий сайдын асуудал шалгагдаад нотлогдвол хариуцлага тооцох боломжтой

Хууль зүйн сайд О.Алтангэрэлээс цаг үеийн асуудлаар тодрууллаа.

Танай нам засгийн газраас гарах асуудлаар таны байр суурь?

Манай нам асуудлаа нээлттэй ярьдаг. Засгаас гарах ёстой гэсэн байр суурьтай гишүүд байдаг. Нам бол бодлогоо дүрмийнхээ дагуу шийдээд явна. Нам ҮБХ болон намын их хурлаараа асуудлаа шийдээд явдаг. Намын шийдвэр нам дээрээ, төрийн шийдвэр төр дээрээ.

Ерөнхий сайдад эрүүгийн хуулиар хариуцлага тооцох боломжтой юу?

Яг өнөөгийн байдлаар шалгая гэвэл эрх зүйн орчин байгаа. Гэхдээ процесс байхгүй. Өнгөрсөн 22 жилийн хугацааны асуудлыг би ярьж байна. Хөөн хэлэлцэх хугацаагаар ял завшсан хүмүүсийн асуудлыг ярьж байна. Ерөнхий сайдын тухайд хуулиараа шалгаад тэр асуудал нь үнэхээрийн хууль бус байна гэж үзвэл хариуцлага тооцох боломжтой.