“Улаанбаатар аялал жуулчлалын үзэсгэлэн 2025” болно

Энэ амралтын өдрүүдэд “Улаанбаатар аялал жуулчлалын үзэсгэлэн 2025”  болно.

Энэ сарын 16-18-нд Улаанбаатар зочид буудлын Их танхимд зохион байгуулагдах гэж байна. 11 дэх жилдээ зохиогдож буй тус үзэсгэлэн нь дотоодын аялал жуулчлалыг хөгжүүлэх, аялагчдыг судалгаатай, төлөвлөгөөтэй аялахад дэмжлэг үзүүлэх, оролцогч байгууллагуудад хамтын ажиллагаа, бизнесээ өргөжүүлэх талбар болох зорилготой.     Үзэсгэлэнгийн үеэр иргэд аяллаа мэргэжлийн байгууллагаар дамжуулан төлөвлөх, хөтөлбөр, багцын мэдээлэл авах, хямдралтай үнээр захиалга өгөх боломжтой. Мөн салбарын мэргэжилтнүүдийн хэлэлцүүлэг, илтгэлүүдийг сонсож, аяллын зөвлөмж, зөвлөгөөг нэг дороос авна.

Үзэсгэлэнд 21 аймгийн Байгаль орчин, аялал жуулчлалын газар, дотоодын аяллын компаниуд, тоног хэрэгслийн нийлүүлэгчид, БНХАУ-ын Хайнань муж, ӨМӨЗО-ноос төлөөллүүд оролцоно.  

Иргэд, аялагчид энэхүү үзэсгэлэнг үнэ төлбөргүй үзэх боломжтой, гурав хоногийн турш олон нийтэд нээлттэй болно гэв.