Монгол Улс хэвлэлийн эрх чөлөөний индексээр 7 байр урагшилж, 102-т бичигдлээ

Reporters Without Borders (RSF) байгууллага жил бүр гаргадаг Дэлхийн хэвлэлийн эрх чөлөөний индексээ танилцууллаа. Монгол Улс хэвлэлийн эрх чөлөөний индексээр 52.57 оноотой 102-т бичигдэж, өмнө жилийн 109-р байраас 7 байр урагшилсан юм. Манай улсын хэвлэлийн эрх чөлөөний индекс 2015 онд 54 оноо байсан бол өдгөө 102-т жагсаж байна.  Монгол улсын онооны үзүүлэлт нь:

• Улс төр: 41.26 оноо авч 106-р байр
• Эдийн засаг:36.15 оноо авч 116-р байр
• Хууль: 59.57 оноо авч 94-р байр
• Нийгэм: 64.98 оноо авч 73-р байр
• Аюулгүй байдал: 60.89 оноо авч 112-р байр тус тус эзэлжээ.

Өмнөх оны үзүүлэлттэй харьцуулахад 1 оноогоор дээшилж, 109-өөс 102 дугаар байрт шилжсэн боловч хэвлэлийн эрх чөлөө “хүнд” ангилалд багтсаар байна. Монгол Улсын нөхцөл байдлыг үнэлэхдээ олон ургальч байдлыг хүндэтгэн дэмждэг хэдий ч, эх сурвалжийг нууцлах эрх хангалтгүй, гүтгэлгийн эсрэг хууль нь сэтгүүлчдийн эсрэг дур зоргоор шүүхэд хандахад түлхэц болж, улмаар өөрийн цензур тогтоож байна гэжээ.

Энэ жилийн индексийг Норвег улс 92.31 оноогоор тэргүүлэв. Тэд ийнхүү 9 дэх жилдээ дараалан хэвлэлийн эрх чөлөөгөөрөө дэлхийг манлайллаа.  Эстони, Нидерланд, Швед, Финланд, Дани, Ирланд, Португал, Швейцар, Чех зэрэг улсууд 80-аас дээш өнөөгөөр дээгүүрт бичигдсэн байна. Харин ОХУ, Никарагуа, Вьетнам, Хойд Солонгос, Сири,  Хятад зэрэг орнууд сүүл мушгижээ.