Ээж модонд архи, сүү, хадаг хэрэггүй ус хэрэгтэй. Амьдралын эх ус, усны эх мод

"Тэрбум мод" НҮТББ Сэлэнгэ аймгийн Шаамар сумын Ээж мод орчны хог хаягдал болоод, орчны модонд зүй бусаар уясан хадгийг цэвэрлэж “Хаврын мод тарих бэлтгэл ажлын идэвхижүүлэлт-нөлөөллийн аян”-аа Сэлэнгэ аймгаас эхлүүллээ.

Монгол улсын Ерөнхийлөгчийн санаачилсан ”Тэрбум мод үндэсний хөдөлгөөний хүрээнд Сэлэнгэ аймгийн ЗДТГ, “Тэнгэр тайлал” холбоо, Ерөнхий боловсролын Спортын сургууль хамтран “Хоггүй Монгол аян” зохион байгуулж аймгийн төвийн урд байрлах Ногоон төгөлд мод тарьж, өмнө тарьсан модыг услах, орчны хог хаягдлыг цэвэрлэх ажлыг зохион байгууллаа.

Сэлэнгэ аймгийн зүгээс 2025 онд Монгол Улсын хэмжээнд 16 сая ширхэг тарьц, суулгацыг зах зээлд нийлүүлэх зорилт тавьжээ.

Тэрбум мод үндэсний хөдөлгөөний хүрээнд бүх нийтээр мод, сөөг тарих, арчлан ургуулах үйл хэрэгт идэвхтэй оролцохыг Монгол Улсын нийт иргэд, айл өрх, төрийн болон төрийн бус байгууллага, аж ахуйн нэгжүүд, хандивлагч-дэмжигч түнш байгууллагууддаа уриалж байна.