Ромын пап Францис таалал төгслөө

Ромын пап Францис 2025 оны дөрөвдүгээр сарын 21-нд 88 насандаа таалал төгссөн тухай Ватиканаас албан ёсоор мэдээллээ. Тэрээр энэ өдрийн өглөөний 07:35 цагт амьсгалын замын хүндрэлээс болж нас барсан байна. Пап Францис нь Латин Америкаас сонгогдсон анхны пап бөгөөд 2013 онд Ромын католик сүмийн тэргүүнээр сонгогдсон. 

Пап Францис 2023 оны есдүгээр сард Монгол Улсад анх удаа албан ёсоор айлчилсан. Энэхүү айлчлал нь Монголын католик шашны түүхэнд чухал ач холбогдолтой бөгөөд дэлхийн 2 тэрбум гаруй католик шашинтнуудын анхаарлыг Монголд хандуулсан. Түүнийг нас барсантай холбогдуулан дэлхий даяар гүн эмгэнэл илэрхийлж, түүний хийсэн шинэчлэл, хүмүүнлэгийн үйлсийг хүндэтгэж байна.