Ж.Баярмаа: Татвар бууруулснаар иргэдийн бодит орлого нэмэгдэнэ

УИХ-ын гишүүн Ж.Баярмаа, Б.Пунсалмаа, Г.Очирбат нар Хүн амын орлогын албан татварыг нэг хувь болгох хуулийн төсөл санаачилж байгаа талаараа мэдээлэл хийлээ.

УИХ-ын гишүүн Ж.Баярмаа: Санал өгсөн 100 мянган иргэний 65 орчим мянга нь Улаанбаатар хотоос өгсөн. Үүнээс харахад Улаанбаатар хотын иргэдэд татварын дарамт их байна гэсэн үг. Хэдийгээр намууд хамтарсан ч нам бүхэн мөрийн хөтөлбөртөө иргэдийг татварын дарамтаас салгана гэж амласан. Улсын төсвийн зарлага асар их нэмэгдсэн. Энэ зарлагыг татварын орлогоор бүрдүүлнэ. НДШ төлдөг 787 мянган иргэний 50 хувь нь 2.2 сая төгрөгөөс доош цалин авч байна. Мөн иргэн 2 сая төгрөг гар дээрээ авахын тулд үндсэн цалин 2.5 сая байх шаардлагатай болж байна. Энэ цалинг өгөхийн тулд компани 2.8 сая төгрөг гаргах ёстой. Сүүлийн үед татвар хураамж маш их нэмэгдэж байгаа. Нийслэл хотын албан татвар 100 хувь нэмэгдсэн. Мөн авто тээврийн хэрэгслийн татвар 200 хувь нэмэгдсэн. Авто зам ашигласны төлбөр 400 хувь нэмэгдсэн. Энэ их татвар хураамж орд иргэдэд маш их дарамт болж байна.

Дарга сайд нарынхаа тоог цөөлж, төсвийн хэмнэлт хийж болно. Аргентин улс 43 сая гаруй иргэнтэй хэрнэ 9 сайдтай бол 3.5 сая иргэнтэй манай улс 23 сайдтай байна. Төрийг цомхон болгож, татвараа багасгана гэж байгаа ч энэ нь эсрэгээрээ хэрэгжиж байна.