Их хэмжээний хар тамхи МУ-ын хилээр нэвтрүүлсэн этгээдүүдийг баривчилжээ

Цагдаагийн байгууллага их хэмжээний хар тамхи, мансууруулах бодис хураан авчээ. 

Францад оршин суугаа иргэн М нь 2024 оны 11 дүгээр сараас 2025 оны гуравдугаар сарын 18-ны өдрүүдэд иргэн Т-тэй бүлэглэн ХБНГУ-ын олон улсын шуудан илгээмжийн үйлчилгээгээр дамжуулан цэвэр жин нь 840 грамм, сэтгэцэд нөлөөлт бодисыг худалдаалах зорилгоор, хууль бусаар Монгол Улсын хилээр нэвтрүүлжээ. Уг хэрэгт мөрдөн шалгах ажиллагаа явуулж байна. Сэжигтэй этгээдүүдийг энэ оны гуравдугаар  сарын 18-ны өдөр баривчилж, зарж борлуулахаар хадгалж байсан мансууруулах бодисыг нотлох баримтаар хураан авсан байна. Уг гэмт хэрэгт холбогдуулан 22-25 насны хоёр хүнд цагдан хорих, таслан сэргийлэх арга хэмжээ авсан талаар ЦЕГ-ын Хар тамхитай тэмцэх газраас мэдээллээ.