Шинэ авто худалдааны төвийн орчимд өвсөн ачсан ачааны машин шатаж байсныг унтраажээ

Сонгинохайрхан дүүргийн 32 дугаар хороо зам дагуу машин шатаж байна гэсэн дуудлага “Шуурхай дуудлага хүлээн авах тусгай дугаар”-ын утсанд өнөөдөр 14:39 минутад иржээ.  

Дуудлага мэдээллийг шалгахад Сонгинохайрхан дүүргийн 32 хороо Авто худалдааны төв орох замд өвс ачиж явсан Ниссан кондор маркийн тээврийн хэрэгслийг шатаж байсныг нь Гал унтраах 26 дугаар ангийн бие бүрэлдэхүүн очиж ажиллаж, галыг бүрэн унтраасан байна.

 Тухайн хэргийн улмаас хүн бэртэж гэмтээгүй бөгөөд өөр тээврийн хэрэгсэл шатаагүй.  Урьдчилсан байдлаар цахилгааны масс гарсны улмаас гал гарсан байх магадлалтай аж.