АТОЗ-ЫН ЕРӨНХИЙ ЗОХИЦУУЛАГЧ С.БАТЧУЛУУНЫГ ШАЛГАЖ БАЙНА

Өчигдөр орой СХД-ийн цагдаа хэлтэст АТОЗ-ын ерөнхий зохицуулагч С.Батчулуун бусдыг гүтгэж, доромжилж , танхайрч байна гэдэг дуудлага иржээ. Хэрэг явдлыг дуулгавал СХД-ийн 156-р цэцэрлэгийн гаднах талбайд АН-ын Ерөнхий нарийн бичгийн даргын үүрэг гүйцэтгэгч асан Л.Эрхэмбаяр, УИХ-ын гишүүн Х.Нямбаатар нар уулзжээ. Гэтэл уулзалтын үеэр АТОЗ-ын хэмээх С.Батчулуун агсарч Х.Нямбаатар гишүүнийг мөнгө тараасан гэж гүтгэн түүний нүүрлүү нулимж танхайрсан байна. Тиймээс цагдаа нар түүний энэ үйлдлийг таслан зогсоож, байцаав. УИХ-ын гишүүн Х.Нямбаатар иргэдэд мөнгө тараасан эсэхийг байцаалтын явцад тодруулахад би мөнгө тарааж байхыг нь хараагүй гэж мэдүүлэг өгчээ. С.Батчулууныг одоо бусдын нэр хүндэд халдсан, танхайрсан гэдэг үндэслэлээр СХД-ийн цагдаагийн хэлтэс шалгаж байгааг тус дүүргийн цагдаагийн нэгдүгээр хэлтсийн хэрэг бүртгэх, мөрдөн байцаах тасгийн дарга Солонго хэллээ. С.Батчулууныг намынх нь нөхөд болоод ойр тойрны хүмүүсийн мэдээлж байгаагаар сэтгэцийн ямар нэгэн өөрчлөлттэй байж магадгүй гэж үздэг юм билээ.