ЦЕГ: Цахимд тархсан бичлэгийн дагуу "Этик" продакшны жүжигчнийг шалгаж байна

“Этик” продакшны жүжигчин бусдын биед халдаж буй бичлэг цахим сүлжээнд тархаад буй. Бид энэ талаар ЦЕГ-ын Хэвлэл мэдээллийн төвөөс тодрууллаа. 

ЦЕГ-ын Хэвлэл мэдээллийн төв: Сүхбаатар дүүргийн цагдаагийн газраас цахим орчинд нийтлэгдсэн бичлэгийн дагуу шалгалтын ажиллагааг өнөөдөр эхлүүлжээ. Энэхүү үйл явдал нэг сарын өмнө болсон. Хохирогч тухайн үед цагдаагийн байгууллагад хандаагүй.

Харин “Этик” продакшны зүгээс “Продакшныхаа жүжигчний өмнөөс уучлалт хүсэж байна. Тэр үйлдэл нь хувь хүний асуудал. Бид продакшнаараа ярилцаад тухайн жүжигчинд хариуцлага тооцох болно гэж мэдэгдэл гаргажээ.