​ Р.Төгссаруул: Б.Энхбаяр сэтгүүлч Н.Өнөрцэцэгийг нүүрсний машинтай гэж гүтгэсэн

Сэтгүүлч Р.Төгссаруул УИХ-ын гишүүн, Хууль зүйн дотоод хэргийн сайд асан Б.Энхбаярын талаар олон нийтэд хандан мэдээлэл хийлээ. Тэрбээр,  “Өнгөрсөн оны арванхоёрдугаар сард  Б.Энхбаяр Хууль зүйн сайд байхдаа Нүүрсний гэх сонсгол зохион байгуулсан. Энэ нь тухайн үед дуулиан дагуулсан. Б.Энхбаяр "Лхагвын тойм" нэвтрүүлэгт орохдоо нүүрсний  сэтгүүлчтэй 50 сэтгүүлчтэй гэж хэлсэн. Гэтэл ард түмэн сэтгүүлчдийг буруугаар ойлгож эхэлсэн. Ингээд сэтгүүлчид нүүрстэй нэр холбогдсон. Өнөөг хүртэл Б.Энхбаяр 50 сэтгүүлчээ зарлаагүй. Мөн Нүүрсний сонсголын үеэр сэтгүүлч Н.Өнөрцэцэгийг нүүрсний машинтай гэж цоллосон. Учир нь Н.Өнөрцэцэг Б.Энхбаярын Боловсролын зээлийн асуудлыг олон нийтэд мэдээлсэн. Үүнд Б.Энхбаяр өш хонзон санаж нүүрсний машингүй Н.Өнөрцэцэгийг гүтгэсэн. Тухайн үед Н.Өнөрцэцэг “Надад машин байхгүй. Ах дүү, хамаатан дунд ч байхгүй” гэж тайлбарласан. Тиймээс өндөр албан тушаал хашиж буй улс төрчдийн аманд салбараараа ормооргүй байна. Бидний ажлыг үргэлжлүүлэх дүү нар бий. Сэтгүүлчдийн нэр хүнд улс төрчдөөс болж унасан” гэсэн юм.