Шөнийн су​​​рвалжилга: Согту​​​у​​​ У​​лаанбаатар

Өнгөрөгч Баасан гарагт бид шөнийн Улаанбаатар хотыг сурвалжиллаа. 

Нийслэл Улаанбаатар хотод 23 цаг боллоо. Замын хөдөлгөөний ачаалал хэвээр байна. Бид Баянгол дүүргийн цагдаагийн 2-р хэлтэс, Тээврийн цагдаагийн албатай хамтран ажиллалаа. 

Орцонд хүн шээсэн байна. Үйлчлүүлэгч согтуу тооцоогоо хийхгүй, агсам тавиад байна. Гудамжид зодуулчихлаа. Зочид буудалд согтуу залуучууд зодолдоод байна. Нөхөр архи ууж ирээд, агсам тавиад байна гэх дуудллагууд хөвөрнө. 

Дуудлага: Тайж зочид буудалд хоёр залуу зодолдоод байна

Дуудлага мэдээллийн дагуу Баянгол дүүргийн цагдаагийн 2-р хэлтсийн шөнийн эргүүлийн хамт шөнийн 00 цагийн үед бид очлоо. 

Би чамайг алчихна шүү. Хутгалуулах юм уу гэх дуу сонсогдоно. Энэ залуу намайг дээрэлхээд байна. Ална гэсэн, миний үсийг туг тугаар зулгайчихлаа гэж нэгэн залуу цагдаад хандаж хэлэв. Би чамайг алуул ална шүү дээ. Хутгална шүү. Би чамайг аймар зодсон уу, хөөе гэж буланд зогсож буй залуу хэлж амжив. Тэдний голоор нэгэн эмэгтэйн хоолойгоор архи уусан хүмүүст ийм юм байх гэв. Тэдний маргаан хэсэг үргэлжилж торгуулийн арга хэмжээ авч, эвлэрээд үлдлээ. 

Сонгинохайрхан дүүрэг Эрин хороолол орчимд: Ланд 300 маркийн автомашин жолоодож явсан согтуу жолооч цагдаагийн алба хаагчийн шаардлагыг биелүүлэхгүй зугтав. Тэрээр Эрин хороолол руу зугтаж зогсоолд байршуулсан гурван автомашиныг мөргөжээ. Түүний согтолтын хэмжээ 1.95 байсан юм.  Тээврийн цагдаагийн алба хаагчид нэг цагийн хугацаанд 8 согт жолооч илрүүллээ.
Баянзүрх дүүрэг Налайхын замд: Согтуу жолооч ачааны автомашины араас мөргөсөн байв. Жолооч бэртэж гэмтсэн байлаа. Түүний согтолтын хэмжээ 2.43 байв. 

Дуудлага: Барны гадаа залуус зодолдоод байна

Үүрийн 04 цаг болж, хорооллын бар, караоке хаав. Гудамжны зодоон эхлэв. Биднийг газар дээр нь очиход эрчүүд нь цээжээ нүцгэлж, хоорондоо зодолдож байв. Харин охид, бүсгүйчүүд нь үгсийн муухайгаар харааж, гудамжаар нэг орилолдоно.