Усны газрын дарга З.Батбаяр: Туул голоос гэдэсний савханцар нян илэрсэн

Туул голд хийсэн шинжилгээний хариу, ус савлан үйлдвэрлэгч аж ахуйн нэгжүүдэд хийсэн шинжилгээний тайланг танилцууллаа.

Усны газрын дарга З.Батбаяр: Туул голын тодорхой цэгүүд, бараг бүхэлдээ гэж хэлж болохоор шинжилгээний дээжээс гэдэсний савханцар нян илэрсэн. Улаанбаатар хотын туул, улиастай, сэлбэ голуудаас савханцар нян илэрч байгаа тухай бид өмнө нь хэлж байсан. Тэгэхээр туул голын эрэг дээр шорлог зарж байгаа хүмүүсийг худалдан авч битгий өөгшүүлээч гэж хэлмээр байна.  Гэдэсний савханцар нян гэдэг нь хүний өтгөнөөс илэрдэг. Бид ариун цэврийн өрөө орсны дараа гараа угаадаг энэ нь дээрх нянгаас сэргийлж байгаа юм.  Туул голоос гэдэсний савханцар нян илэрч байгаа нь хоёр  эх үүсвэртэй. Нэгдүгээрт Улаанбаатар хотод байгаа 680 мянган нүхэн жорлон, хоёрдугаарт төв цэвэрлэх байгууламжийн хог хаягдал юм.