​Э.Бат-Үүл: Н.Өнөрцэцэгийг шоолон мэдэмхийрч байгаа хүмүүс өөрт нь ийм явдал тохиолдвол арчаагаа алдана

Сэтгүүлч Н.Өнөрцэцэгийн давж заалдах шатны шүүх хурал өчигдөр буюу арваннэгдүгээр сарын 7-ны өдөр болж шүүх хурал анхан шатны шүүхийн шийдвэрийг хэвээр үлдээсэн юм. Тодруулбал, анхан шатны шүүхээс оногдуулсан 4,9 жилийн хорих ялыг хэвээр үлдээв. Тэгвэл үүнтэй холбоотойгоор Э.Бат-Үүл дараах байр суурийг өөрийн цахим хуудаснаа нийтэлжээ. 

Э.Бат-Үүл: Н.Өнөрцэцэг, өөрийнхөө эрх чөлөөг хамгаалах гэж аргаа ядан тэмцэж байгаа юм. Бусдаас тусламж горьдож буй. Энэ бол хүний төрөлх араншин. Германд,эрх чөлөө рүү тэмүүлэх хүний төрөлх араншинг буруутгадаггүй хуультай. Өнөөдөр Н.Өнөрцэцэгийг шоолон мэдэмхийрч байгаа хүмүүс өөрт нь ийм явдал тохиолдвол арчаагаа алдан эрх чөлөөгөө нэхэн янз бүрийн ааш гаргах л болно. Прокурор бсан нөхөр,ял авах шүүхийн тогтоол сонсоод өмдөндөө шээс алдсан гэдэг! Эрх чөлөө асар үнэ цэнэтэй зүйл юм шүү. Хүмүүс түүнийг алдах үедээ л ойлгодог. Мануус шиг,эрх чөлөөг бурханчлан, түүнийхээ төлөө шоронд цовдлуулж дуусах нь хойчийг гэгээрүүлэх нэр төрийн хэрэг гэж ухамсарлан “шийдсэн гар” цөөхөөн гэжээ.