​Н.Батсүмбэрэл: АН, ХҮН сөрөг хүчин биш шүү эсвэл Л.Гантөмөр гуай өөр намд орчихсон юм уу, жонхуу юм бэ

УИХ-ын чуулганы  үдээс хойших хуралдаанаар Монгол Улсын Ерөнхий сайдын мэдээллийн  “Шинэ сэргэлтийн бодлого”-д тусгагдсан Боомтын сэргэлтийн бодлогын хэрэгжилтийн талаар сонсч байна. Мэдээллийг Тэргүүн шадар сайд Л.Гантөмөр танилцуулж мөн сөрөг хүчнүүд дүгнэлтээ танилцуусан. Үүнийг УИХ-ын гишүүн Н.Батсүмбэрэл шүүмжилж, дараах байр суурийг илэрхийллээ. 

УИХ-ын гишүүн Н.Батсүмбэрэл: Энэ одоо сөрөг хүчин интэр гэж юу яриад байна вэ. Ардчилсан нам, ХҮН нам хоёр чинь өөрсдийгөө сөрөг хүчин гээд байх юм. Хоёулаа Засгийн газрыг бүрдүүлж байгаа гишүүд мөн биз дээ. Эсвэл Л.Гантөмөр гуай өөр намд орчихсон юм уу. Яагаад өөрөөсөө асуугаад байгаа юм. Би ч гэсэн асуумаар байна ш дээ. Б.Батбаатар, А.Ундраа хоёр л асууна биздээ. Нөгөө хоёр нь Засгийн газрын гишүүд. Яагаад ийм тэгш бус байгаа юм бэ. Эсвэл дэг мэгээ өөрчилдөг юм уу. Тэргүүн шадар сайд нь сая илтгэл тавилаа, Ардчилсан нам нь асуулаа, юу болоод байгаа юм. Ичмээр юм. Бид ч гэсэн асуух эрхтэй шүү дээ. Жонхуу юм бэ.

УИХ-ын дарга Д.Амарбаясгалан:

-Юм л болбол УИХ-ын гишүүд өөрсдийнхээ хүсэл сонирхолд нийцүүлж дэг өөрчилье гэж ярьдагаа хязгаарлах хэрэгтэй. Байгаа дүрэм журам, дэгд зохицуулж  ажиллах ёстой. Өөрийнхөө хүсэл сонирхолд нийцүүлж, дэг өөрчилье гэж ярьдагаа ер нь таслан згсоо. Яг л нөхцөлдөө тааруулаад өөрчилнө, өөрчилнө гэж байнга ярьдаг боллоо. Муу дэг бол биш шүү. Ардчилал хөгжсөн, парламентын хөгжсөн орнуудад нийцсэн дэг шүү.