УИХ-ын гишүүд "сонгуульдаж" байгаа тул энэ 7 хоногт байнгын хороо, чуулган хуралдахгүй

УИХ-ын намрын чуулган эхлээд долоохон хонож байна. Чуулганаар Монгол Улсын 2025 оны төсвийн тухай хуулийн төслүүдийг хэлэлцэж эхэлсэн. Өнгөрөгч Баасан гаригийн чуулганы нэгдсэн хуралдаанаар УИХ дахь МАН-ын бүлэг 2025 оны төсвийн тухай хуулиар ажлын тав хоногийн завсарлага авсан. 

Гэвч энэ долоо хоногт УИХ-ын байнгын хороод, чуулган хуралдахгүй нь. Маргааш /2024.10.08/  Эдийн засгийн байнгын хороогоор ганц хэлэлцэх асуудал нь байнгын хорооны тогтоолын төсөл байна. Бусад байнгын хороо хуралдахгүй зөвхөн ажлын хэсгийн хуралдаанууд товлогджээ. 

Дөнгөж эхэлсэн намрын чуулганы үйл ажилллагаа ийн долоо хоног "өнжиж" байгаа нь орон нутгийн сонгуультай холбоотой болов уу. Энэ Баасан гаригт /2024.10.11/ орон нутгийн сонгууль болох бөгөөд сурталчилгаа хаагдахаас өмнө УИХ-ын гишүүд тойрогт нь ажиллаж нэр дэвшигчдээ "магтах" ажилтай.