Одонтой, цалинтай ээжүүдийн мөнгийг нэмэхийг шаардлаа

Одонтой, цалинтай ээжүүдийн мөнгийг нэмэхийг шаардаж аавуудын төлөөлөл мэдээлэл хийлээ.

Тэдний төлөөлөл "Одонтой, цалинтай ээжүүдийн мөнгө бол халамж биш.Цалинтай ээж гэх 50 мянган төгрөгийг Засгийн газар нэр төдий өгч ирсэн. Монголын зах зээлд хүн амын бүтцийг харах юм бол ажиллах хүчингүй болж, хүний нөөцийн дутагдалд орсон гэсэн үг. Гэр бүл эдийн засгийн чадамжаасаа хамаарч хүүхэд гаргадаг болсон, одоо бол төрөлт эрс буурсан. Цалинтай ээжийн мөнгө бол хүн амын тоог өсгөхөд асар ач холбогдолтой. Хүн амын тоо өсснөөр эдийн засаг тэлнэ. 

Нөгөөтэйгүүр нийслэлд автобусны жолооч олдохгүй байна гээд сарын цалинг нь 3.5 сая төгрөг болгож нэмэгдүүлсэн. Гэтэл өнөөдөр ажиллах багш олдохоо болилоо. Цаашлаад ААН-үүд хүнгүй болж хаалгаа барих уу эсвэл нийтийн тээврийн жолоочид өгч байгаа 3.5 cая төгрөгийг нэмэгдүүлж байж ажиллах хүнтэй болох уу гэдэг сонголт руу орно. Уг нь ээжүүдээс харамлаж байгаа мөнгөө нэмэгдүүлчихвэл хүн ам өсч цаашлаад ажиллах хүчний хомсдолд ч орохгүй" гэлээ.