Б.Лхагваа: Outlaw хамтлагтай муудалцаагүй, хугацааны хувьд зүгээр давхцал

Татар, Мөнхийн Рэп, Flash, Noname, "4 зүг" гэсэн хамтлагууд Төв цэнгэлдэх хүрээлэнд маргааш /2024.09.20/  “Big show” тоглолтоо хийнэ. Тэд тоглолтын бэлтгэл ажлынхаа талаар мэдээлэл хийлээ. 

Цэнгэлдэх өдрийн 16 цагаас хаалгаа нээж, орой 23 цагт тоглолт дуусна. “Flash” хамтлаг “Хайрлах хүсэл” дуугаараа тоглолтыг нээх бол үргэлжлүүлэн “Мөнхийн Рэп” хамтлагийн “Чи хайрыг мэдэх үү” дуугаар үргэлжилнэ. “No name”  Үдшээр, “4 зүг” хамтлагийн Тайлагнал, “Татар”-ын "Хайрыг хүндэл" дуунуудаар тоглолт дуусах бол дууны сонголтын хувьд тухайн үедээ хит болж, олны хүртээл болсон дуунууд дуулагдах аж. Нэг хамтлаг ойролцоогоор 10-15 дуу дуулна. 

Зочин дуучдаар  “Vandebo”, “Icetop”, “D45”, “Бундын тамга”, Маралжингоо зэрэг дуучид оролцох юм байна. 

Мөнхийн Рэп хамтлагийн дуучин Б.Лхавгаа: “Outlaw хамтлагийн 20 жилтэй давхцаж байгаа нь ердөө давхцал. Бидний харилцаанд ямар нэгэн асуудал байхгүй. Тоглолтын захиалгыг жилийн өмнөөс өгдөг. Мөн энэ удаагийн тоглолт намрын сүүлийн гадаад талбайн тоглолт учир хүйтрэхээс өмнө бид амжиж хийж байна.”гэлээ.