I эгнээгээр явсан, түр зогссон машиныг 20 мянгаар торгоно

Нийслэлийн замын хөдөлгөөний ачаалал нэмэгдэж, түгжрэл олон цаг үргэлжилж байгаа тул “Чиглэлийн тээврийн хэрэгсэл”-ийн эгнээнд тавих хяналт шалгалтыг эрчимжүүлэв.

Тодруулбал, 1100 автобусанд хяналтын камер суурилуулж, нэгдүгээр эгнээгээр зорчиж байгаа болон буудал дээр зогсож буй автомашинуудын зөрчлийг зургаар баримтжуулж байна.

Зөрчлийн тухай хуулийн 14.7.29.3-т зааснаар 20 мянган төгрөгөөр торгох хариуцлага оногдуулна.

Нэгдүгээр эгнээгээр Замын хөдөлгөөний дүрэмд зааснаар бол нийтийн тээврийн үйлчилгээний автобус, троллейбус, тусгай дуут болон гэрэл дохио бүхий шуурхай албаны автомашин, зөвшөөрөлтэй суудлын такси болон  “Хүүхэд тээвэрлэж яваа тээврийн хэрэгсэл”, “Тулгуур эрхтний бэрхшээлтэй  хүн” таних тэмдэг бүхий тээврийн хэрэгсэл зорчих ёстой.

Иймд жолооч та бүхэн автобусны буудал дээр түр буюу удаан хугацаагаар зогсох, нэгдүгээр эгнээгээр зорчихгүй байхыг зөвлөж байна.