Ч.Лодойсамбуу: Сэтгүүлч Н.Өнөрцэцэгтэй очиж уулзана. Одоо хамгийн чухал нь Хэвлэлийн эрх чөлөөний хуулийг шинэчлэх, ажлын хэсгийг би ахална

Сэтгүүлч Н.Өнөрцэцэгийг өмгөөлөгчгүйгээр шүүж, 4.9 жилийн хорих ял оноосон асуудлаар тодрууллаа. 

УИХ-ын гишүүн Ч.Лодойсамбуу: Өмгөөлөгчгүй болсон шүүх хуралтай холбоотой шүүхийн тайлбар мэдээлэлтэй л байгаа. Ер нь бол болж байгаа үйл явдал дээр шүүхийн шийдвэр гарахаас өмнө би байр сууриа илэрхийлж байсан. Сэтгүүлчийг эрүүдэн шүүгээд байна, залхаан цээрлүүлээд байна, мэргэжлийн үйл ажиллагааг хязгаарлаад байна гэх мэтээр. Анхан шатны шүүхийн шийдвэр гарч, хэрэг шийдэгдсэн. Хэргийн материалтай танилцаагүй учраас хэргийн явц дээр үзэл бодлоо илэрхийлэх боломжгүй болчихоод байна. Хэргийн материалтай танилцахын тулд би нууцын баталгаан дээр гарын үсэг зурах шаардлагатай болчихож байгаа юм. Нууцын баталгаан дээр гарын үсэг зурчихвал би дахиж Өнөрөө битгий хэл Ө ч гэж хэлж чадахгүй. Тиймээс би танилцахгүй байгаа. Танилцахгүй байгаа учраас хэрэг нь зөв байна, буруу байна, эрүү шүүлттэй явсан байна гэж байр суурь илэрхийлж байна. Хэвлэлийн эрх чөлөөтэй холбоотой асуудлыг би хоёр ангилж үзэж байгаа. Нэгдүгээрт, Сэтгүүлч Н.Өнөрцэцэг гэдэг нэг сэтгүүлчийн хэрэг, нөгөө талдаа хэвлэлийн эрх чөлөө гэж бий. Хэвлэлийн эрх чөлөө гэдэг бол олон олон Өнөрцэцэгтэй холбоотой асуудал. Хууль тогтоох байгууллагад ажиллаж байгаагийнхаа хувиар гомдол гаргаад л суугаад байх боломжгүй. Тийм эрхгүй гэсэн үг. Өмнөх шигээ бид одоо ийм байна өөрчлөөч ээ гэж биш. Одоо өөрчлөе гэж хүсч байгаа бол өөрөө чи хий гээд үүрэг нь эрхтэйгээ ирчихсэн. Сая УИХ-ын дарга ч хэлж байна энэ парламент хэвлэлийн эрх чөлөөг хуулиар баталгаажуулъя, хэвлэлийн эрх чөлөөний хуулийг шинэчилэн найруулъя гэж байна. Энэ ажлын хэсгийг би ахална. Би Өнөрцэцэгтэй очиж уулзаж таарна, гэхдээ номер нэгт хэвлэлийн эрх чөлөөний хуулийг шинэчилнэ. 

Бичлэгээр үзэх: