О.Алтангэрэл: Үзэл бодлоо илэрхийлснийхээ төлөө ял авч байгаа сэтгүүлчдийнхээ эрх чөлөөг хамгаалъя

Хууль зүй дотоод хэргийн сайд О.Алтангэрэл: 2014 оноос хойш асуудлыг ярьж, тэмцэж, хоригдож ингэж явсныхаа 10 жилийн ой дээр би Монгол Улсын Хууль зүй дотоод хэргийн сайдаар томилогдсон. Одоогийн байдлаар энэ хууль сахиулах байгууллагынхаа хэмжээнд ямар ч байсан гурван чиглэлээр дорвитой шинэчилнэ гэсэн зорилго тавьчихаад байна. Өнөөдөр бид нар үнэхээр Ардчилсан нийгэмд амьдарч байгаа бол сүүлийн олон жилийн турш дарагдсан иргэдийнхээ дуу хоолойг чөлөөлмөөр байна. Өөрөөр хэлбэл Сүхбаатарын талбайг одоо нээе. Хоёрдугаарт, үзэл бодлоо илэрхийлснийхээ төлөө зөндөөгөөрөө ял авч байна. Энэ хэрэг хянан шийдвэрлэх ажилагаанд өртөж, байнга өргөдөл гомдолд дарагдаж зовж байгаа сэтгүүлчдийн эрх чөлөөг хамгаалъя. Одоо энэ хууль сахиулж байгаа байгууллагуудынхаа хүний эрхийн чиглэлийн үйл ажиллагааг хянадаг тогтолцоотой болгоё. Хүний эрхийн үндэсний комиссоо шүдтэй болгоё. Хариуцлагатайгаар хэлье. Хүний эрх, эрх чөлөөний талаар жагсаал, цуглааны журмын тухай хууль, Хэвлэлийн эрх чөлөөний тухай хууль, Хүний эрхийн үндэсний комиссын хууль болон бусад хүний эрхийн дагалдах өөрчлөлтийг өргөн бариад энийг хийж чадахгүй бол би энд Хууль зүй дотоод хэргийн сайд гэж суухаасаа ичнэ. Би ажлаа өгнө.