Л.Мөнхбаясгалан: Сэтгүүлч Н.Өнөрцэцэг онц ноцтой гэмт хэрэгт эрэн сурвалжлагдсан хүний мэдээллийг дэлгэснээрээ шоронд сууж байна, харин цагдаа бол хүний мэдээллийг дэлгэж болно гэдэг хууль байна уу

УИХ-ын Хүний эрхийн дэд хорооны хурал боллоо. Энэ үеэр УИХ-ын гишүүн Л.Мөнхбаясгалан: Хууль зүйн сайдаас асууя. Эмзэг байдлыг дэлгэсэн гэж яриад байна. Цагдаагийн байгууллага, дарга нар хохирогчийн эмзэг байдлыг дэлгэвэл ямар нэг хариуцлага хүлээхгүй гэдэг хууль байна уу. Гэтэл Сэтгүүлч Н.Өнөрцэцэг онц ноцтой гэмт хэрэгт эрэн сурвалжлагдаж байсан хүний мэдээллийг дэлгээд шоронд хоригдож байна. Харин цагдаагийнхан, дарга нар дэлгэдэг тийм хуулийн заалт байна уу. 

Хууль зүйн сайд О.Алтангэрэл: Сэтгүүлч Н.Өнөрцэцэгийн хэрэг хаалттай явагдсан учир мэдээлэл хомс байна. Тэгэхдээ эрэн сурвалжлагдаж байгаа болон нийгэмд аюул учруулж болзошгүй этгээдүүдийн талаар төр өөрөө олж мэдсэн буюу цагдаагийн байгууллага өөрийн үйл ажиллагааны хүрээнд өөртөө байгаа мэдээллээ олон нийтэд мэдээллэхэд ямар нэгэн хуулийн хариуцлага хүлээхгүй гэдэг зарчим барьж байгаа. Хэрвээ энэ зарчим сэтгүүлчид өөрөөр үйлчилсэн бол энэ хууль хэрэглээний асуудал дээр асуудалтай байна гэж үзнэ.

Бичлэгээр үзэх: