Хөвсгөл нууранд сэлэх гэж орсон гурван иргэн живж, амиа алджээ

 Хөвсгөл аймаг, Алаг-Эрдэнэ сумын Хатгал тосгоны 2 дугаар багийн “Жанхайн дээд модот булан” гэдэг газар, Хөвсгөл нуурын эрэг дээр 16 хүн (8 нь хүүхэд) амарч байснаас 3 иргэн сэлэх гэж ороод живсэн тухай дуудлагыг 07.24-ний өдрийн 14:37 цагт онцгой байдлын алба хүлээн авчээ. Тус аймгийн Онцгой байдлын газрын Хатгал тосгон дахь Гал түймэр унтраах, аврах 69 дүгээр ангийн алба хаагчид 20 км туулан 14:59 цагт очиход иргэн Б/45 настай, эрэгтэй/, иргэн Ж /35 настай, эрэгтэй/, иргэн Х /24 настай, эрэгтэй/ нар Хөвсгөл нууранд живж нас барсан барсан, цогцсыг 4 метрийн гүнээс гаргаж Цагдаагийн байгууллагад шилжүүлэн өгсөн талаар ОБЕГ-аас мэдээллээ.

Иймд иргэд амарч, аялахдаа гол, усны аюулаас сэрэмжтэй байхыг анхааруулж байна.