Н.Жаргалбаяр: Эгчийг минь яллаад байгаа төрийн нууц гэх хэрэгт УИХ-ын гишүүн Б.Бат-Эрдэнийг шалгах хэрэгтэй

Сэтгүүлч Н.Өнөрцэцэгийг цагдан хоригдсон асуудлаар ар гэрийнхэн нь Төрийн гурван өндөрлөгт хандлаа. 

Н.Өнөрцэцэгийн дүү Н.Жаргалбаяр “Эгчийг минь таван хэргээр шалгаж, 4,9 жилийн хорих ял оноолоо. Хоёр нь татвартай холбоотой хэрэг гэж байгаа юм. Гэтэл татварын хэрэг эрүүгийн хэрэг биш шүү дээ. Төрийн нууц гэгдээд буй хэрэг эгчтэй минь холбоогүй. 

Шүүхийн шийдвэр энгийн иргэдэд л хатуу байна, албан тушаалтан, сайд дарга нарт хамаагүй юм байдаг юм байна. Нүүрсний хулгай, Хөгжлийн банкны хулгай, Боловсролын зээлийн сан,  ногоон автобусны хулгай яасан бэ. Тэд ял авсан уу. Төрийн нууцтай холбоотой гэх мэдээлэл манай маркетингийн ажилтан машинаас нь олдсон. Угтаа нүүрсний сонсголын үеэр манай сэтгүүлчид ярилцлага өгсөн тухайн үеийн БОАЖ-ын сайд Б.Бат-Эрдэнэ тэр нууц гэх материалыг манай сэтгүүлчид өгсөн юм билээ. Эгчийг минь баригддаг өдөр буюу /2024.12.04/ орой маркетингийнхан өөрсдийн бичиг баримтаа аваад харихад тухайн ажилтан автомашиндаа тэр бичгийг хийгээд явсан юм билээ. Тэрийг нь хоёр долоо хоногийн дараа Цагдаа нар тухайн ажилтны гэрийн гадаа очиж автомашины чинь шил хагарсан байна гэж дуудан гаргаж ирээд, машинд нь нэгжлэг хийсэн юм билээ. Тэгээд тэнд байсан бүх материалыг авахдаа эзэнд нь хичнээн хуудас материал ингэж бүртгэж авлаа гэж ямар нэг баримт үйлдэхгүй авч явснаас л бүх зүйл үүдэлтэй гэж харагдаж байгаа юм. Яг үнэндээ юу шургуулсан байсныг хэн ч мэдэх боломжгүй ийм л үйл явдал өрнөсөн байгаа юм.  

Тиймээс энэ бүгдийг үнэн зөвөөр хөөн шалгах учиртай гэж бодож байна" гэв.