М.Нарантуяа: Өнөрөө бол энэ нийгмийн золиос болж буй эмэгтэйн дүр шүү

Зариг.мн сайтын эрхлэгч Н.Өнөрцэцэгийг “Төрийн нууцад хамаарах мэдээ, баримтыг хадгалсан” гэмт хэрэг үйлдсэн гэм буруутайд тус тус тооцож, нийт 4 жил 9 сарын хугацаагаар хорих ялаар шийтгээд буй.

Шүүхийн шийдвэртэй санал нийлэхгүй байгаагаа олон нийт илэрхийлсээр буй. 2024 оны долдугаар сарын 19-ний шөнө дунд хүртэл Сүхбаатар дүүргийн эрүүгийн хэргийн анхан шатны шүүхийн гадна олон нийт цуглаж, эсэргүүцлээ илэрхийлж байсан бол цахим сүлжээнд иргэд өөрсдийн үзэл бодлоо илэрхийлсээр байгаа юм. 

УИХ-ын гишүүн М.Нарантуяа “Өнөрцэцэгийн асуудал шийдэгдээд, тэр хүн бусдыг өдөж хоргоох завтай яваам байж, болж дээ яамай даа”гэж бодож байснаа нуух юун!

Өнөрөөд хэн бүрт бдг сайн муу бий л байх!

Гэвч тэр нь ямар хүрээнд вэ гэдгийг гагцхүү шүүхээс өөр хэн ч үл шийдэх!

Нийгэм хэт туйлширч асуудлыг бодитоор хэмжих сөхөөгүй энэ үед энэ талаар дугарсан хэн бүр өстөн дайсан мэт болох нь мэдээж!

Гэвч жаахан тайван, ул суурьтай хандацгаахыг хүсэхээс өөр арга алга.

УИХ-ын “Хүний Эрхийн Дэд Хороо”-ны гишүүний хувиар Өнөрцэцэгт холбогдох хэргийн талаар хуульчдын багийн хамт судлаж байна! Учир нь Өнөрөөдөө биш, хүний эрхийн суурь зарчимд нийцэж байгаа эсэх асуудал юм.

“Намайг тэгж байсан шүү дээ одоо үйлээ эдлэ” эсвэл “надаар оролдвол ингэдэг юм” гэж өс зангидаж суудаг хүн нь би биш ээ!

Өнөрөө бол энэ нийгмийн золиос болж буй эмэгтэйн дүр шүү!

Тиймээс Өнөрцэцэг байна уу хэн байна уу гэдгээс үл хамааран тэнд хүний эрхийн зөрчилтэй хэрэг шийдвэрлэгдсэн гэж үзвэл хууль дахин хянаж шалгах эрхтэй тул юу юугүй бүх юм энэ чигээрээ алх цохигдоод 4.9 дуусчихгүй байх гэж бодож байна!